काठमाडौँ । अदालतले बैंकिङ कसुर गरेको ठहर गरी ६२ लाख रुपैयाँ जरिवाना र १० दिन कैद तोकिएका फरार एक व्यक्ति पक्राउ परेका छन् । उनलाई प्रहरीले आज काठमाडौँको तारकेश्वरबाट पक्राउ गरेको हो ।

पक्राउ पर्नेमा काठमाडौँ तारकेश्वर नगरपालिका २ बस्ने विश्वनाथ अधिकारी रहेका छन् । उनले आव २०७६–२०७७ नेपाल बैंक लिमिटेड, न्यूरोडस्थित आफ्नो खाताबाट रकम भुक्तान हुने गरी रकम नै नभएको चेक काटेर दिएका थिए ।

उक्त मुद्दामा उच्च अदालत पाटनले २०७८ कात्तिक २९ मा अधिकारीलाई बैंकिङ कसुर तथा सजाय ऐन २०६४ बमोजिमको कसुर प्रमाणित गरी ६२ लाख आठ हजार रुपैयाँ जरिवाना र १० दिन कैद हुने ठहर गरेको थियो ।

यसपछि फरार हुँदै आएका उनलाई प्रहरीको केन्द्रीय अनुसन्धान ब्युरोबाट फैसला कार्यान्वयन तथा फरार प्रतिवादीको खोजत लासका लागि परिचालित टोलीले आज तारकेश्वरबाट पक्राउ गरेको हो । अधिकारीलाई आजै फैसला कार्यान्वयनका लागि ललितपुर जिल्ला अदालतमा पेश गरिएको ब्युरोका प्रवक्ता प्रहरी उपरीक्षक श्यामकुमार महतोले जानकारी दिए ।