काठमाडौं । चलचित्र ‘कबड्डी ४’को रिलिज मिति सारिएको छ । वैशाख २३ गतेका लागि रिलिज तय भएको यो चलचित्र अब जेठ १३ गते प्रदर्शन हुने भएको हो ।
सरकारले वैशाख ३० गतेका लागि स्थानीय तहको निर्वाचन घोषणा गरेकाले ‘कबड्डी ४’को रिलिज मिति पछि सारिएको बताउँदै आएको छ ।
रामबाबु गुरुङको निर्देशनमा बनेको यो चलचित्रमा दयाहाङ राई, कमलमणि नेपाल,सौगात मल्ल, मिरुना मगर, गौमाया गुरुङ, बुद्धि तामाङ, विजय बराल लगायतका कलाकारको मुख्य भूमिका रहेको छ । पुष्कर गुरुङ, कविता आले, जयनन्द लामा, प्रकाश घिमिरे, माओत्से गुरुङ, शरद अधिकारी लगायतले चलचित्रमा अभिनय गरेका छन् ।

चलचित्रमा शैलेन्द्र डी कार्कीको छायांकन, निमेष श्रेष्ठको सम्पादन, कालीप्रसाद बाँस्कोटा, एसडी योगी, अनुपम शर्माको संगीत, रामबाबु गुरुङ र उपेन्द्र सुब्बाको लेखन छ ।