काठमाडौं । नेकपा (माओवादी केन्द्र)को केन्द्रीय समिति बैठकको मुख्य एजेण्डा नै अमेरिकी सहयोग परियोजना (एमसीसी) रहेको छ ।

फाल्गुन १५ गते संसदबाट एमसीसी अनुमोदन गरिएपछि पार्टीभित्र विवाद चुलिएको छ । पार्टीमा विवाद चुलिएपछि त्यसैको निकासका लागि आजबाट बोलाइएको केन्द्रीय समिति बैठकमा पार्टी अध्यक्ष पुष्पकमल दाहाल प्रचण्डले नै सबैभन्दा पहिले रिपोर्टिङ गर्दैछन् ।

प्रचण्डको रिर्पोटिङ लगत्तै एमसीसीबारेमा छलफल गर्ने बैठकको एजेण्डा रहेको छ ।

पार्टीको ६ वटा एजेण्डा मध्ये संगठनको काम अन्तर्गत केन्द्रीय समितिमा थप गर्ने पनि रहेको छ ।
बैठकमा स्थानीय निर्वाचनको तयारीबारेमा पनि छलफल गर्ने एजेण्डा रहेको छ ।

यस्तै, विविध विषयको एजेण्डामा कामवृक्षको शालिकबारे पनि छलफल राखिएको छ । माओवादी केन्द्रमा रामवृक्षको शालिकबारेमा विवाद कायमै छ ।