काठमाडौं । नेकपा क्रान्तिकारी माओवादीका नेता तथा देशभक्त जनगणतान्त्रिक मोर्चाका अध्यक्ष सीपी गजुरेलले एमसीसीको सवालमा नेकपा एमालेका अध्यक्ष केपी शर्मा ओलीले कम्बल ओढेर घ्यू खाएको आरोप लगाएका छन् ।
६ कम्युनिस्ट पार्टी र दुई मोर्चाले आज काठमाडौंको खुलामञ्चमा गरेको बिरोधसभामा बोल्दै गजुरेलले प्वाल परेको कम्बल ओढेर घ्यू खाँदा नेपाली जनताले देखेको बताए ।
‘फागुन १५ गते दिउँसोसम्म कम्बल ओढेर घ्यू खाइरहेका थिए ।’ ओलीप्रति संकेत गर्दै भने, ‘प्वाल परेको कम्बलबाट घ्यू खाएको जनताले देखे । बेलुका कम्बर फालेर नाङ्गै भए ।’
नेता गजुरेलले एमसीसी विरुद्ध आवाज उठाउने सबै राष्ट्रवादी शक्तिहरुलाई एकताका लागि आह्वान गरे ।
उनले सबै राष्ट्रवादी शक्तिहरुलाई बिद्रोह गरेर एमसीसीविरुद्धको आन्दोलनमा आउन अपिल गरे ।