काठमाडौं । नेकपा एमालेका अध्यक्ष केपी शर्मा ओलीले अबको चुनावमा माओवादी सिद्धिने दाबी गरेका छन् ।
शनिवार आफ्नो गृह जिल्ला झापा पुगेर ओलीले प्रचण्डले आफ्नो चिनामा नै सिद्धिने ग्रह बोकेर आएको टिप्पणी गरे ।

झापामा प्रेस चौतारी प्रदेश १ को अधिवेशनलाई सम्बोधन गर्दै ओलीले आफूले २०५६ सालमा भनेको कुरा स्मरण गर्दै अब त्यो दिन आएको उल्लेख गरे । त्यतिबेला नै आफूले माओवादी सकिन्छ भनेको उनको भनाइ थियो ।

माओवादी केन्द्र सकिन्छ भनेर आफूले २०५६ सालमा भनेको उल्लेख गर्दै ओलीले अब त्यो दिन आएको उल्लेख गरे ।
एमाले अध्यक्ष ओलीले माओवादीले बेलुनको रुपमा समेत टिप्पणी गरे । जुन बेलुनमा आफूले हावा भरिदिएको उनको भनाइ थियो ।

केही वर्षअघि आफूले ‘पम्प’ लगाइदिएर अलि हावा भरिदिएकाले अहिलेसम्म माओवादी केन्द्र टिकेको समेत उनले दाबी गरे । अब पम्प हाल्न छोडेपछि विस्तारै बेलुन सुक्दै गएको उनले टिप्पणी गरे । उनले माओवादी पार्टी सकिनै पर्ने उल्लेख गरे भने माधव नेपालको पार्टी बन्दै नबनेको दाबी गरे ।

‘एमसीसी पास गर्नै नहुने हो तर एमालेले सिध्याउने भो भनेर प्रचण्डजीका कुरा सुन्छु’, ओलीले प्रचण्डप्रति इंगत गर्दै भने, ‘कहाँ एमालेले सिध्याउनु, उनले चिनामै त्यस्तो बोकेर आएका छन् ।’