काठमाडौं । लोकसेवा आयोगले खरिदार तहमा विज्ञापन खुलाएको छ । आयोगका काठमाडौं, हेटौडा, जलेश्वर, धनकुटा, सुर्खेत, दिपायल, दाङ लगायतका कार्यालयबाट विज्ञापन खोलेको हो ।

आन्तरिक प्रतिष्प्रर्धा,खुला र समावेशी प्रतियोगिताबाट पदपूर्ति गर्नेगरी विभिन्न पदका लागि ३ सय १७ जना माग गर्दै विज्ञापन खुलाएको हो ।
लोकसेवा आयोग धनकुटा कार्यालयबाट ६ जना, इलाम कार्यालयबाट १७ जना, लोकसेवा आयोग खोटाङ कार्यालयबाट २९ जना माग गरिएको विज्ञापनमा उल्लेख गरिएको छ ।
विज्ञापन अनुसार लोकसेवा आयोग जलेश्वर कार्यालयले २३ जना माग गरेको छ भने लोकसेवा आयोग हेटौंडाले २४ जना माग गरेको छ । लोकसेवा आयोग काठमाडौं कार्यालयले ३० जनाका लागि विज्ञापन खुलाएको छ ।
लोकसेवा आयोग पोखरा कार्यालयले ४१ जना, बाग्लुङ कार्यालयले १४ जना, बुटवल कार्यालयले २६ जना, दाङ कार्यालयले ३२ जना माग गरेको छ भने सुर्खेत कार्यालयले २५,जुम्लाबाट २३ जना माग गरिँदा दिपायल कार्यालयले १० जना माग गरेको छ । महेन्द्र नगर कार्यालयले २७ जना माग गरेको छ ।
इच्छुक र योग्यता पुगेका नेपाली नागरिकहरुले आगामी चैत्र १५ सम्म साधरण दस्तुर र आगामी चैत्र २२ भित्रमा दोब्बर दस्तुर तिरेर आवेदन दिन सकिने विज्ञापनमा उल्लेख छ ।