काठमाडौँ । सत्तारुढ दल नेकपा एकीकृत समाजवादीको तेस्रो केन्द्रीय कमिटी पूर्ण बैठक सम्पन्न भएको छ । बैठकमा पार्टीका अध्यक्ष माधवकुमार नेपालले प्रस्तुत गरेको राजनीतिक प्रतिवेदन र मोर्चा संगठन सञ्चालन निर्देशिका तथा सम्पर्क मञ्च सञ्चालन निर्देशिकामा छलफल भएको छ ।

यस विषयमा छलफल गर्न केन्द्रीय कमिटीका सदस्यलाई नौ समूहमा विभाजन गरिएको थियो । समूहले यस छलफलका निष्कर्ष प्रस्तुत भएपछि अध्यक्ष नेपालले प्रष्ट पारेका थिए ।

बैठकले सुझावसहित प्रतिवेदन पारित गरेको छ । पारित प्रतिवेदनमा वर्तमान अन्तर्राष्ट्रिय परिस्थिति र राष्ट्रिय राजनीतिक परिस्थितिको विश्लेषण, एमसीसी र त्यसको व्याख्यात्मक घोषणाको चर्चा, पार्टी पुनर्गठनदेखि हालसम्म भएका संगठनात्मक कार्यहरूको समीक्षा तथा आगामी कार्य योजनालगायतका विषय समेटिएको छ । साथै बैठकले निम्ति १५ बुँदे समसामयिक प्रस्ताव पारित गरेको छ ।