काठमाडौं । नेपालमा पछिल्लो २४ घण्टामा थप ७७ जनामा कोरोना संक्रमण पुष्टि भएको छ ।

देशभरीका विभिन्न प्रयोगशालामा ७ हजार ९ सय ८१ जनामा गरिएको नमूना परीक्षणका क्रममा ७७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार सो समयावधिमा कोरोना संक्रमण पुष्टी भई कोभिड आइसोलेशनमा रहेका १ जना संक्रमितको मृत्यु भएको छ ।

यस्तै, पछिल्लो २४ घण्टामा देशभरबाट १८९ जना कोरोना संक्रमणमुक्त भएका छन् ।

यसैबीच, कोरानो संक्रमणविरुद्ध खोप अभियान अहिले पनि जारी रहेको छ । पछिल्लो २४ घण्टामा १ लाख २६ हजार १ सय ९६ जनाले कोरोना विरुद्धको खोप लगाएको मन्त्रालयले जनाएको छ ।

अहिले देशभर ५ हजार २ सय १२ कोरोनाका सक्रिय संक्रमित छन् ।