काठमाडौं । मिस्टर नेपालको अडिशन आजबाट शुरु भएको छ । काठमाडौंबाट शुरु भएको अडिशन देशभर नै गर्ने पनि आयोजक मिस्टर नेपाल २०२२ का आयोजक रवि धमलाले बताए ।

शनिवार काठमाडौमा अडिशन शुभारम्भ कार्यक्रममा बोल्दै सरोकारवालाहरुले नेपालमा फेसन तथा मनोरञ्जन उद्योगलाई सरकारले सहयोग गर्नुपर्ने बताए ।

मिस्टर नेपाल २०२२ का आयोजक धमलाले फेसन तथा मनोरञ्जनका राष्ट्रिय स्तरका कार्यक्रमहरुमा सरकारले सहयोग गरे नेपाली ब्याबसायीलाई नै सहयोग पुग्ने बताए ।

कोभिडपछि खुल्दै गरेको बजार र ब्यावसायमा सरकारको सहयोग भए ब्यावसायीहरुको मनोबल उच्च हुने उनले बताए ।

उनले अन्य छिमेकी देशहरुमा राष्ट्रिय स्तरका कार्यक्रमहरुमा सरकारले सहयोग गरिरहेको उल्लेख गर्दै नेपालमा पनि यस किसिमका सहयोग सरकारबाट आउनु पर्ने उल्लेख गरे ।

आयोजक धमलाले मिस्टर नेपालले नेपाललाई विश्वभर चिनाउने र यस पटक मिस्टर नेपालले मिस्टर वल्र्डको बाटो खुला गरेको पनि बताए ।