काठमाडौं । विराटनगरस्थित न्यूरो कार्डियो हस्पिटलले नेपाल बैंकका कर्मचारी तथा ग्राहकलाई उपचारमा विशेष छुट दिने भएको छ ।

नेपाल बैंक लिमिटेडका कर्मचारीहरु एवं ग्राहकहरुलाई विराटनगरस्थित न्यूरो कार्डियो हस्पिटलमा उपचार गर्दा लाग्ने शुल्कमा बिशेष छुट प्रदान गर्ने सम्झौतामा हस्ताक्षर भएको हो ।

दुई पक्षीय सम्झौतासँगै नेपाल बैंकमा कार्यरत कर्मचारीलाई अस्पतालको विबिध सेवाहरुमा लाग्ने शुल्कमा २० प्रतिशतसम्म र नेपाल बैंकको डेविट कार्ड, क्रेडिट कार्ड, मोवाइल बैंकिङ्ग र क्युआर कोडमार्फत मार्फत भुक्तानी गर्ने ग्राहकहरुलाई १५ प्रतिशतसम्म छुट पाउने भएका छन् ।

नेपाल बैंक र विराटनगरस्थित न्यूरो कार्डियो अस्पतालबीच फाल्गुण २७ गते सम्झौता भएको थियो ।

सम्झौता पत्रमा न्यूरो कार्डियो अस्पतालका तर्फबाट संचालक निर्देशक राजेश भट्टराई र नेपाल बैंकका नायव प्रमुख कार्यकारी अधिकृत समता पन्तले हस्ताक्षर गरेका थिए ।