काठमाडौँ। स्थानीय तहको निर्वाचन नजिकिएसँगै उम्मेदवारी दर्ता गर्ने मिति तय भएको छ। निर्वाचन आयोगले आगामी वैशाख ११ र १२ गते उम्मेदवारी दर्ताको मिति तय गरेको हो।

आयोगले शुक्रबार पास गरेको निर्वाचन कार्यक्रमअनुसार उम्मेदवारी दर्ताका लागि २ दिन तय गरेको जानकारी दिएको छ। उजरी दर्ता, त्यसमाथि जाँचबुझ लगायतको प्रक्रिया पूरा गरेर वैशाख १५ मा उम्मेदवारको नाम सार्वजनिक गरिने छ।

उम्मेदवारले नाम फिर्ता लिन चाहेमा १६ गते मिति तोकिएको छ। त्यही दिन साँझ ५ देखि ६ बजेसम्म उम्मेदवारहरूको अन्तिम नामावली प्रकाशित गरिने छ। यस्तै, १७ गते चुनाव चिन्ह प्रदान गरिने छ।

वैशाख ३० गते बिहान ७ बजेदेखि साँझ ५ बजेसम्म मतदान हुने छ।