काठमाडौँ । दाङको सीमा क्षेत्र तथा प्युठानमा शनिबार भएको सवारी दुर्घटनामा एक जनाको मृत्यु भएको छ। प्युठानबाट दाङको घोराहीतर्फ जाँदै गरेको यात्रुवाहक बस दाङ–प्युठान सीमानामा क्षेत्रमा दुर्घटना भएको हो।

प्युठानको माण्डवी गाउँपालिका २ सेतो पहरनजिक दुर्घटना हुँदा एक बालकको घटना स्थलमै मृत्यु भएको प्रहरीले जनाएको छ। घटनामा १२ यात्रु घाइते भएका छन्। ना ३ ख ७१३२ नम्बरको बस दुर्घटना भएको हो।

बसमा कति यात्रु थिए पत्ता लागेको छैन। घटना स्थलमा अहिले बंगलाचुली गाउँपालिका दाङका अध्यक्ष भक्तबहादुर वलीसहित स्थानीय उद्धारमा खटिएका छन्।

दाङ प्युठान सिमाना नजिक भएको उक्त दुर्घटनाका घाइतेलाई अहिले स्थानीयले उद्धार गरी उपचारका लागि मुर्कुटी अस्पतालमा लगिएको छ।