काठमाडौँ । गृहमन्त्री बालकृष्ण खाँणले जनता समाजवादी पार्टी (जसपा)का सांसद प्रमोद साहमाथि भएको सांघातिक आक्रमणको छानबिन हुने बताएका छन् । सर्लाहीको ईश्वरापुर नगरपालिका ६ पुरानो नगरपालिका चोकमा आज बिहान जसपाका प्रमुख सचेतकसमेत रहेका शाहमाथि नेकपा एमालेका कार्यकर्ताले आक्रमण गरेको हो ।

घाइते साहको मेडिसिटी अस्पतालमा उपचार भइरहेको छ । गृहमन्त्री खाँणले उनलाई भेट्न अस्पताल पुगेका थिए । सोही क्रममा घटनाको छानबिन गरी दोषीलाई कारबाही गरिने बताएका थिए ।

गृहमन्त्री खाणले सांसद साहको शीघ्र स्वास्थ्य लाभको कामना गरेका छन् । पार्टी कामको सिलसिलामा गृह जिल्ला सर्लाही पुगेका सांसद साहको आक्रमणबाट टाउकोमा गहिरो चोट लागेको छ ।