काठमाडौं । प्रवासी गोरखालीहरु को साझा संस्था ग्लोबल गोरखा समाजका अध्यक्ष विनय अधिकारी गैर आवासीय नेपाली संघ, अन्तराष्ट्रिय समन्वय परिषदको १० औ महाधिवेशन (विश्व) सम्मेलनबाट उप-महासचिव पदमा सर्वसम्मत चयन भएका छन् ।।लामो समय विभिन्न सामाजिक संघ संस्थाको नेतृत्व तहमा रहेर काम गर्दै आएका अधिकारी संघको १० औं महाधिवेशनबाट उप-महासचिव निर्वाचित भएका हुन् । अधिकारीले आफुलाई लामो समयदेखि पत्रकारिता क्षेत्रमा आफुलाई स्थापित गरिसकेका छन् ।अधिकारीले अध्यक्षकी प्रत्यासी रविना थापाको समुहबाट महासचिव पदमा उम्मेदवारी दिएका थिए ।

एनआरएनए अभियानमा संक्रिय व्यक्तित्व विनय अधिकारी (बेलायत) महासचिव पदको बलियो प्रतिस्पर्धीको रुपमा देखिएका थिए । तर संघको महाधिवेशमा पदाधिकारीहरु सर्वसम्मत चयन हुने प्रक्रियामा अग्रजहरुकोअथक प्रयास र मेहनत आम गैर आवासिय साथीहरुको समेत भावना मिल्न पुगेकोले एक कदम पछाडी हटेर सहमती,सहकार्यको बाटो अपनाएको अधिकारी बताउँछन् ।