काठमाण्डौं । गैरआवासीय नेपाली संघ (एनआरएनए) को नवनिर्वाचितको पहिलो कार्यसमितिको बैठक आज बस्ने भएको छ ।
संघका उप-महासचिव विनय अधिकारीले संघको बैठक संघको केन्द्रीय कार्यालय बालुवाटारमा बेलुकी ४ बजे बस्न लागेको जानकारी दिए ।
संघको आइतवार सम्पन्न १० औं महाधिवेशनबाट अध्यक्षमा तीन जना चयन भएका छन् । जसमा रविना थापा, कुल आचार्य र डा. बद्री केसी छन् । तीन अध्यक्षको अध्यक्षतामा अध्यक्षले ९५ जना पदाधिकारीको चयन गरेका थिए ।
तीनै अध्यक्षको अध्यक्षतामा बैठक बस्न लागेको हो । संघका पदाधिकारीहरुले आजै सपथ लिने कार्यतालिका तय गरिएको छ ।