सर्लाही । जिल्लामा मतदाताको संख्या चार लाख ७४ हजार ४३९ पुगेको छ । तीमध्ये पुरुष दुई लाख ५७ हजार १३८ र महिला मतदाता दुई लाख १७ हजार २९२ रहेको जिल्ला निर्वाचन कार्यालयले जनाएको छ ।

निर्वाचन अधिकृत दिवाकर भुजेलका अनुसार यसैगरी अन्य नौ जना मतदाता रहेका छन् । जिल्लाको पालिकामा मतदान स्थल संख्या ३१८ र जम्मा मतदान केन्द्र संख्या ५९९ कायम रहेको उनले बताए ।

सबैभन्दा बढी बरहथवा नगरपालिका र सबैभन्दा कम पर्सा गाउँपालिकामा मतदाता संख्या रहेको छ । ती स्थानीय तहमा क्रमशः ४३ हजार २०२ र १२ हजार ५२७ मतदाता संख्या रहेको कार्यालयले जनाएको छ ।

जिल्लाका सुरक्षा अधिकारीहरुले मतदानस्थल र केन्द्रहरुको स्थलगत अनुगमनसमेत गरेका प्रमुख जिल्ला अधिकारी थानेश्वर गौतमले जानकारी दिए ।