काठमाडौँ । भक्तपुरको सिपाडोलमा तरकारी बजार खुलेको छ । बुधबार एमाले अध्यक्ष केपी शर्मा ओलीले बजारको उद्घाटन गर्ने भएका छन् ।

मेडिकल व्यवसायी दुर्गाप्रसाद प्रसाईंले उक्त बजार सञ्चालनमा ल्याएका हुन् । बजारका सञ्चालक राकेशप्रसाद प्रसाईंले तरकार बजार उदघाटनको तयारी पूरा भएको जनाए ।

सूर्यविनायक हरित कृषि थोक बजार नामक कृषिबजार जिल्लाको सूर्यविनायक नगरपालिका ८ आदर्श सिपाडोल क्षेत्रमा छ । तरकारी बजारको निर्माण कार्य २०७५ फागुनदेखि सुरु गरिएको थियो ।

बजार अरनिको राजमार्गअन्तर्गत आदर्श बस बिसौनीबाट दक्षिणको ३५ रोपनीको क्षेत्रको जग्गामा छ । बजारमा साढे सात सय स्टल छन् । बजार प्रत्येक दिन बिहान २ देखि बेलुकी ८ बजेमा खुल्ला रहने छ ।