काठमाडौँ । लामो इतिहास बोकेको सुनसरीको दुहबीमा सञ्चालित श्री पशुपति बिस्कुट इण्डष्ट्रिज प्रा.लि. १५ दिनका लागि बन्द गरिएको छ ।

बिस्कुट पकाउने ओभनहरू जोडिएका मेसिनको मर्मत सम्भार र सरसफाई गर्ने भएकाले १५ दिनका लागि उत्पादन रोकिएको बिएलसी होल्डिङ प्रा.लि.का संस्थागत सञ्चार विभाग प्रमुख सोमनाथ बास्तोलाले जानकारी दिए ।

उनले आज जारी गरेको विज्ञप्तिमा सुनसरीको दुहबीमा सञ्चालित ‘श्री पशुपति बिस्कुट इण्डष्ट्रिज प्रा.लि.’ मेसिनको सरसफाई र केही स्टकसमेत क्लियरेन्स भएपछि पुनः उत्पादन प्रक्रिया थालिने जानकारी दिइएको छ ।