काठमाडौँ । प्रधानमन्त्री शेरबहादुर देउवा भोलि शुक्रबार तीन दिने भारत भ्रमणका लागि प्रस्थान गर्ने भएका छन् । उनी भोलि दिउँसो १ः२५ बजे नेपाल एयरलाइन्सको जहाजमार्फत भारत जाने भएका हुन् ।

भ्रमणमा प्रधानमन्त्री देउवाले भारतीय समकक्षी नरेन्द्र मोदीसँग द्विपक्षीय बैठकमा सहभागी हुने कार्यक्रम रहेको छ । यस्तै दुवै देशका प्रधानमन्त्रीको उपस्थितीमा केही समझदारी तथा सम्झौता पत्रमा हस्ताक्षर हुने भएको छ ।

प्रधानमन्त्रीसँगै परराष्ट्रमन्त्री नारायण खड्का, ऊर्जामन्त्री पम्फा भुसाल, स्वास्थ्यमन्त्री विरोध खतिवडा र कृषिमन्त्री महेन्द्रराय यादवलाई साथै जाने भएका छन् ।

भोलि दिउँसो ३ बजे भारतको राजधानी नयाँ दिल्ली पुगेका प्रधानमन्त्री देउवाको टोली २० गते साँझ ६ बजे स्वदेश फिर्ता हुने कार्य तालिका रहेको छ ।