काठमाडौं । कतार फिफा विश्वकप २०२२ मा चार पटकको विश्व विजेता जर्मनी र स्पेन एकै समूहमा परेका छन् । दुबै टोली समूह ‘इ’ मा छन् ।कतारको दोहास्थित ‘दोहा एक्जिबिसन एन्ड कन्भेन्सन सेन्टर’ मा भएको ड्रमा फिफा छनोट भएका ३२ टोलीलाई आठ समूहमा विभाजन गरेका छ । सबैभन्दा धेरै उपाधि जित्न सफल ब्राजिल समूह ‘जी’मा सर्बिया, स्विट्रल्यान्ड र क्यामरुन छन् । लियोनल मेसीको टोली अर्जेन्टिना रहेको समूह ‘सी’मा एसियाली मुलुक साउदी अरेबिया, मेक्सिको र पोल्यान्ड छन् । क्रिष्टियानो रोनाल्डोको टोली पोर्चुगल रहेको समूह ‘एच’मा घाना, उरुग्वे र दक्षिण कोरिया छन् । आयोजक कतार रहेको समूह ‘ए’मा नेदरल्यान्ड्स, सेनेगल र इक्वेडर छन् ।

कुन राष्ट्र कुन समूहमा :

समूह ‘ए’– इक्वेडर, सेनेगल र नेदरल्यान्ड्स
समूह ‘बी’– इङ्ल्यान्ड, इरान, संयुक्त राज्य अमेरिका र युरोपियन प्लेअफ टिम
समूह ‘सी’– अर्जेन्टिना, साउदी अरेबिया, मेक्सिको र पोल्यान्ड
समूह ‘डी’– फ्रान्स, युएई–अस्ट्रेलिया र पेरुमध्येको प्लेअफ विजेता, डेनमार्क, ट्युनिसिया
समूह ‘इ’– स्पेन, जर्मनी, जापान र कोस्टा रिका र न्युजिल्यान्ड प्लेअफको विजेता
समूह ‘एफ’– बेल्जियम, क्यानडा, मोरक्को र क्रोएसिया
समूह ‘जी’– ब्राजिल, सर्विया, स्विट्जरल्यान्ड र क्यामरुन
समूह ‘एच’– पोर्चुगल, घाना, उरुग्वे र दक्षिण कोरिया