लामो समयदेखि कोरोनाका कारण घुम्न जान नपाएकाहरु पनि अहिले कोरोना मथर भएको समयमा घुम्न जान थालेका छन् । यदि तपाई पनि नजिकै सुन्दर गाउँ घुम्न चाहनुहुन्छ भने पर्यटकीय नगरी पोखराको हरिचोकबाट २० किलोमिटर दुरीमा रहेको ल्वाङ गाउँ जान सक्नुहुन्छ । यो गाउँ कास्कीको माछापुच्छ्रे गाउँपालिका–८ मा पर्छ । हेम्जा, खानेपानी, भेडाबारी, खोरामुख हुँदै यो गाउँ पुगिन्छ ।
ल्वाङमा २०६७ सालेदेखि सामुदायिक होमस्टे सञ्चालन गरिएको छ । परम्परागत शैलीका घर, गुजुमुज्ज परेको बस्तीले ल्वाङ गाउँ पुग्ने जो कोहीको मन लोभ्याउँछ । बस्तीका हरेक घर घरलाई जोड्ने ढुंगा छापिएको सफा चटिक्क परेको गोरेटो छ ।
यहाँका २१ घरधुरीले होमस्टे सञ्चालन गरेका छन् । २५० देखि ३०० जनासम्म पाहुना राख्न सक्ने होमस्टेको क्षमता छ ।
हेरौं ल्वाङ गाउँका केही तस्बिरहरु