काठमाडौँ । आगामी वैशाख ३० गते हुने स्थानीय तहको निर्वाचनमा प्युठानको झिमरुक गाउँपलिकामा तालमेल हुने भएको छ । नेकपा माओवादी केन्द्र र नेपाली कांग्रेसबीच चुनावी तालमेल हुने सहमति भएको हो ।

यसअघि उक्त गाउँपालिकामा राष्ट्रिय जनमोर्चाले जितेको थियो । सोही गाउँपालिकामा दुई दल मात्रै मिलेर चुनावी तालमेल गर्ने सहमति भएको हो ।

जारी गरिएको विज्ञप्तिअनुसार पालिकाको अध्यक्ष माओवादीलाई र उपाध्यक्ष कांग्रेसलाई दिने समझदारी बनेको छ ।

अरु वडाध्यक्ष र सदस्य दुई दलको आपसी समझदारीका आधारमा टुंगो लगाइने भएको छ । माओवादीले पालिका अध्यक्षमा पितबहादुर एमसी र कांग्रेसले उपाध्यक्षमा प्रमोद पोखरेल उठाउने तयारी गरेको छ ।