काठमाडौँ । गम्भीर आर्थिक संकटको सामना गरिरहेको श्रीलंकाले अन्तराष्ट्रिय मुद्रा कोष (आईएमएफ)सँग सहयोगका लागि आग्रह गरेको छ । छलफलका लागि आर्थिक संकटबाट गुज्रिएको श्रीलंकाली सरकारका वित्तमन्त्री अलि सवारीको टोली अमेरिमा छ ।

आईएमएफसँग आर्थिक सहयोगका विषयमा भएको छलफल निकै सकारात्मक रहेको वित्तमन्त्री उनले बताए । उनले देशको आर्थिक संकट कम गर्न आफूहरूले उठाएको कदमको आईएमएफ अधिकारीले प्रशंसा गरेको बताए ।

पछिल्लो समय श्रीलंकाले विदेशी ऋण तिर्न सकेको छैन । यद्यपि, गत मंगलबार श्रीलंका सरकारले ५१ अर्ब डलर विदेशी ऋण तिर्ने घोषणा गरेको छ । श्रीलंकाको विदेशी ऋणको ३६ प्रतिशत हिस्सा चीनको रहेको छ ।

श्रीलंका स्वतन्त्र भएपछि अहिले सबैभन्दा ठूलो अर्थिक संकटको सामना गरिरहेको छ । खाद्यान्न अभावसँगै ग्याँस, तेल र अत्यावश्यकीय बस्तुको अभाव तथा विद्युत आपूर्ति कटौती भएपछि सरकारको विरोधमा दिनहुँ प्रदर्शन भइरहेका छन् ।