काठमाडौँ । एनआईसी एशिया बैंकले अनलाइनमार्फत बचत खाता खोल्ने ग्राहकलाई विभिन्न ई कमर्शबाट वस्तु तथा सेवा खरिद गर्दा पाँच हजार रुपैयाँसम्म छुट दिने भएको छ ।

जसअनुसार दराज, ग्यापु, भोजमाण्डु, खानपिन, जस्ता ई कमर्शबाट विभिन्न सामग्री खरिद गर्दा एवं ट्याक्सीमाण्डु, यति एयरलाइन्सजस्ता प्लेटफर्ममार्फत विभिन्न सेवाहरू लिन सकिने छ ।

यसका लागि ग्राहकले बैंकको वेबसाइटबाट अनलाइन खाता खोली उक्त खाता पूर्ण रुपमा सुरु भएपश्चात् बैंकले निज ग्राहक महानुभावलाई एसएमएस वा इमेलबाट उल्लेखित मर्चेन्टद्वारा प्रदान गरिएको प्रोमो कोड पठाउने व्यवस्था छ ।

यो योजना २०७९ असार मसान्तसम्म लागू हुनेछ । अनलाइन किनमेल बढिरहेको वर्तमान अवस्थाबीच बैंकले डिजिटल कारोबारलाई प्रबद्र्धन गर्नका निमित्त आकर्षक छुट व्यवस्था गरेको हो ।

बैंकले हाल मुलुकभर ३५८ शाखा कार्यालय, ४७३ एटिएम, १०२ वटा विस्तारित काउन्टरबाट सेवा दिँदै आएको छ ।