काठमाडौँ । आज थप २१ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले सार्वजनिक गरेको बुलेटिनमा चार हजार ७७५ जनामा परीक्षण गर्दा २१ जनामा संक्रमण पुष्टि भएको छ ।

मन्त्रालयका अनुसार सक्रिय संक्रमितको संख्या २७१ जना छन् । पछिल्लो समय १७ जना संक्रमणमुक्त भएका छन् । योसँगै संक्रमणमुक्त हुनेको संख्या नौ लाख ६६ हजार ५४० पुगेको छ ।

यो दर ९८.८ प्रतिशत रहेको मन्त्रालयले जनाएको छ । शून्य संक्रमित भएको ३१ जिल्ला पुगेका छन् । नेपालमा संक्रमण दर १७.४ प्रतिशत छ ।

हाल होम आइसोलेशनमा २७०, संस्थागत आइसोलेशनमा एक जनाको उपचार हुँदै छ । विगत २४ घण्टामा एक लाख २३ हजार २१० जनाले खोप लगाएका छन् ।