पोखरा । नेकपा एमाले प्रदेश कमिटीले अध्यक्षको उम्मेद्वार बनाएर पठाएका उम्मेदवार उपाध्यक्षमा निर्विरोध भएका छन् । एमालेले मनाङको नार्पाभूमी गाउँपालिकाको अध्यक्षमा ज्याप्ले गुरुङलाई उठाउने निर्णय गरेको थियो । तर उनी उपाध्यक्षमा निर्विरोध भएका हुन् ।

अध्यक्षमा कांग्रेसबाट हालका उपाध्यक्ष कोञ्जो तेञ्जिङ लामासहित ३ जना उठेका छन् । कांग्रेसबाट कृष्णबहादुर लामा र एमाले समर्थक मिङमर सोनाम लामाले उम्मेदवारी दिएका हुन् । अध्यक्षमा पनि सर्वसम्मतको प्रयास भइरहेको छ ।

यस्तै, वडा नम्बर १ को अध्यक्षमा फुर्वा ठेले लामा, ४ को अध्यक्षमा कर्मा ग्याल्जेन लामा र ५ को अध्यक्षमा सोनम तेंजे लामा निर्विरोध निर्वाचित भए । बाँकी दुई वडामा २–२ जना उठेका छन् ।