कास्की । पोखरा महानगरको मेयरमा बागी उम्मेद्वारी दिएका विमलबहादुर कार्कीलाई लालटिन चिह्न दिइएको छ । कांग्रेस नेतासमेत रहेका उनले गठबन्धनको विरोध गर्दै स्वतन्त्र उम्मेद्वारी दिएका थिए ।

उनलाई उम्मेदवारी फिर्ता गराउनका लागि अनुरोध गरे पनि फिर्ता नलिएको भन्दै कांग्रेसले साधारण सदस्यसमेत नरहने गरी कारबाही गरिसकेको छ ।

गठबन्धनको विरोधमा कांग्रेसकै अन्य दुई नेताले पनि उम्मेदवारी दिएका थिए । उम्मेदवारी दिएका नन्दप्रसाद तिवारी र ऋषिराम सापकोटाले शुक्रबार नै उम्मेदवाररी फिर्ता लिएका छन् ।

यस्तै, अटेरी अभियानको सुरुवात गर्ने पोखराका अटेरी उम्मेदवारलाई लौरो चिन्ह दिइएको छ । मेयरदेखि वडाध्यक्षका उम्मेदवारले अब लौरोबाट भोट माग्न पाउने छन् । पोखरामा मेयरका लागि २३ र उपमेयरमा ८ जनाको प्रतिस्पर्धा छ ।