अमेरिकी राष्ट्रपति डोनाल्ड ट्रम्पले इरान विरुद्धको युद्ध जारी राख्ने र थप कडा प्रहार गर्ने घोषणा गरेसँगै अन्तर्राष्ट्रिय बजारमा कच्चा तेलको मूल्यमा भारी वृद्धि भएको छ।

बुधबार प्रति ब्यारेल १०० डलरभन्दा तल झरेको ब्रेन्ट क्रुड को मूल्य ट्रम्पको सम्बोधनपछि ५ प्रतिशतले बढेर १०६.२९ डलर पुगेको छ। त्यस्तै, अमेरिकी तेल वेस्ट टेक्सास इन्टरमिडिएटपनि ४ प्रतिशत भन्दा बढीले बढेर १०४.२९ डलर सम्म पुगेको छ।

लगानीकर्ताहरूले इरानले ‘हर्मुज जलमार्ग बन्द गरिरहने र अमेरिकाले इरानका ऊर्जा पूर्वाधारहरूमा आक्रमण गर्ने धम्की दिएपछि आपूर्तिमा ठूलो अवरोध आउने २. मनोवैज्ञानिक असर: डरले तेलको मूल्य बढेको हो।

अमेरिकी राष्ट्रपति डोनाल्ड ट्रम्पले इरानलाई “ढुङ्गाको युगमा पुऱ्याउने” गरी बमबारी गर्ने धम्की दिएपछि संकट समाधान हुने आशामा रहेका लगानीकर्ताहरू निराश भएका छन्। यसको प्रत्यक्ष असर बिहीबार बिहानको शेयर बजारमा देखिएको छ।

एसिया प्रशान्त क्षेत्रका शेयरहरूको एमएससीआई फराकिलो सूचकांक कारोबारको सुरुवाती समयमै करिब शून्य दशमलब ७५ प्रतिशतले घटेको छ। ट्रम्पको सम्बोधनले बजारमा रहेको सकारात्मक उत्साहलाई पूर्ण रूपमा समाप्त पारिदिएको छ।