काठमाडौं । नेपाल प्रहरीको आईजीपी नियुक्तिमा कुरा नमिलेपछि ११ बजेका लागि बोलाईएको मन्त्रिपरिषद्को वैठक बस्न नसकेको स्रोतले जनाउको छ । प्रधानमन्त्री शेर बहादुर देउवाले तेस्रो बरियतामा रहेका एआईजी धिरजप्रताप सिंहलाई आईजीपी बनाउने तयरी गरेको थिए तर चुनावी माहाेलमा बरियता मिचेर नियुक्ति गर्दा विवाद हुने देखिएपछि मन्त्रिपरिषद्को वैठक बस्न नसकेको हो ।

नेपाल प्रहरीका महानिरिक्षक शैलेश थापा क्षेत्री आज ३० वर्षीय सेवा अवधी सकेर अनिवार्य अवकासमा जाँदै छन् उनको ठाउँमा ४ जना एआईजीहरु आईजीपीको दौडमा छन् । बरियताक्रम अनुसार विश्वराज पोखरेल, शहकुल थापा, धिरज प्रताप सिंह र रविन्द्र धानुक छन् ।

प्रधानमन्त्री देउवाले उनिहरुमध्य धिरज प्रताप सिंहलाई आईजीपीमा नियुक्त गर्ने तयारी गरेका थिए तर निर्वाचनको नजिक बरियता मिचेर नियुक्त गर्दा कानुनी समस्यासँग जुद्नु पर्ने देखिएपछि गृहमन्त्री बालकृष्ण खाण, कानुनमन्त्री गोविन्द बन्दी र नेपाली काँग्रेसका अन्य शिर्ष नेताहरुले धिरजको नियुक्तिमा असमर्थन जनाएको बालुवाटार स्रोतले जनाएको छ ।

प्रहरीमा पहिलो नम्बरमा रहेका एआईजी विश्व पोखरेल,सहकुल थापा, सिंह र चौथो नम्बरमा रहेका रविन्द्र धानुक आईजीपीको दौडमा थिए । तर, प्रधानमन्त्री देउवाले सिंहलाई नै बनाउने निर्णय गरिसकेका थिए। सिंहको पक्षमा उनकी पत्नी आरजु राणा र सचिवालयका सदस्य छन् ।

वरियतामा मिच्दा चुनावको बेला विवाद हुने भन्दै गृहमन्त्री बालकृष्ण खांड, संचारमन्त्री ज्ञानेन्द्र कार्की, नेपाली कांग्रेसका उपसभापति पूर्णबहादुर खड्का र महामन्त्री गगन थापाले पोखरेललाई नै आईजीपी बनाउन आग्रह गरेपनि प्रधानमन्त्री देउवा त्यसमा सहमत भएका छैनन् ।

पोखरेलले सिंहलाई आईजीपी नियुक्त गरे आफुले राजीनामा दिने र सर्वोच्च अदालतमा रिट दिने जानकारी दिइसकेका छन् । त्यसका लागि उनले कानुन व्यवसायीहरुसंग समेत परामर्श गरिसकेका छन् ।

आईजीपी नियुक्तिमा समस्या देखिएपछि हाल सिंहदरबारमा प्रधानमन्त्री, गृहमन्त्री, कानुनमन्त्रि र प्रहरी महानिरिक्षकको संयुक्त वैठक बसिरहेको छ । प्रधानमन्त्री देउवाले महान्यायाधीवक्ता खम्बबहादुर खाती र निकट कानुन व्यवसायी केशव जोशीसंग सिंहको नियुक्तीबारे परामर्श गरका छन् ।

यता सत्तारुढ द ल नेकपा माओवादी केन्द्रका अध्यक्ष पुष्पकमल दहाल र नेकपा एकिकृत सामाजवादीका अध्यक्ष माधव कुमार नेपाल भने धिरजको नियुक्तिमा सर्वोच्चको ग्रिन सिंगन आए नियुक्ति गर्ने मनसायमा रहेको देखिन्छ ।

कानुनी समस्या हुने दखिए पहिलो वरियतामा रहेको विश्वराज नै आईजीपीमा नियुक्त हुने देखिन्छ ।