काठमाडौँ । नेपाल टेलिकमले आजदेखि मनाइने चौथो राष्ट्रिय सूचना तथा सञ्चार प्रविधि दिवस २०७९ को अवसरमा अफर उपलब्ध गराएको छ । कम्पनीले आफ्ना ग्राहकका लागि अनलिमिटेड डाटा र भ्वाइससहितको कम्बो प्याक, डाटा प्याक र बोनस अन रिचार्ज उपलब्ध गराउने भएको हो ।

यो अफर आइतबारदेखि आगामी २४ गतेसम्म उपलब्ध हुने छ । अफरअन्तर्गत तीन दिनसम्म प्रयोग गर्न सकिने ६ जीबी डाटा प्याक जम्मा ९८ रुपैयाँमा खरिद गर्न सकिने छ ।

यसैगरी २४ घण्टासम्म प्रयोग गर्न सकिने एक एमबीपीएस अनलिमिटेड डाटा र अन नेट अनलिमिटेड कुराकानी गर्न सकिने प्याक जम्मा ९९ रुपैयाँमा उपलब्ध हुँदै आएकोमा ५० प्रतिशत छुटसहित ४९ रुपैयाँमा नै किन्न सक्ने छन् । यसका लागि स्टार १४१५ स्टार ११ ह्याच डायल गरी खरिद गर्न सकिन्छ ।

यसका साथ २०० सयदेखि ४९९ सम्मको एमपोस रिचार्ज गर्दा दुई दिनसम्म प्रयोग गर्न सकिने एक जिबीको डाटा प्याक र ५०० तथा सोभन्दा बढीको एमपोस रिचार्ज गर्दा चार दिनसम्म प्रयोग गर्न सकिने दुई जीबी डाटा प्याक उपलब्ध गराइएको छ ।