काठमाडौं । सशस्त्र प्रहरी बल (एपिएफ)मा रिक्त दुई रहेको अतिरिक्त महानिरीक्षक(एआईजी) पदमा बढुवाका लागि चार जना डिआईजीले आवदेन दिएपनि एक जनालाई मात्रै बढुवा गर्ने चलखेल सुरु भएको छ ।

सशस्त्र प्रहरीबलमा यतिबेला दई एआईजीका पद रिक्त छ । रिक्त रहको दुई पदमा बढुवा गर्नुका साटो सरकारले एक जनालाई मात्रै बढुवाको अन्तिम तयारी गरेको हो । डिआइजीहरु नारायणदत्त पौडेल, चन्द्रप्रकाश गौतम, वंशी दाहाल र किशोर प्रधानले एआईजी बढुवाका लागि आवेदन दिईसकेका छन् ।

तत्कालीन महानिरीक्षक(आइजीपी शैलेन्द्र खनालले अवकाश पाएपछि पुष्पराम केसी आइजीपी भएका थिए । आईजीपी हुनेवित्तिकै केसीले राजु अर्याललाई एआईजीमा सिफारिस गरेका थिए । त्यसपछि पौडेललाई मात्रै बढुवा गरेर तीन वर्षपछि आइजीपी बनाउने खेल शुरु भएको हो ।

केसीको अवकाससँगै सरकारले आइतबार नै अर्याललाई सशस्त्र प्रहरी बलको आईजीपीमा नियुक्त गरेको थियो । अर्याल आइजीपीमा नियुक्ति भएको र पौडेलले अनिवार्य अवकाश पाएपछि सशस्त्र प्रहरीमा दुईवटा पद रिक्त छन् । वरियतामासमेत अघि रहेका डीआईजीहरु पौडेल र गौतम एआईजीमा सहजै बढुवा हुने देखिन्छ ।