काठमाडौँ । जबरजस्ती करणी गरेको अभियोगमा जेलमा रहेका अभिनेता पल शाहको मुद्दामा आज सुनुवाइ हुने भनिए पनि हुन सकेन । उच्च अदालत पोखरामा बिहीबार पेशी तोकिए पनि अदालतले कृष्ण जोशीको मुद्दालाई पनि हेर्ने आदेश दिएको छ ।

थुनामै बसेर मुद्दाको पुर्पक्ष गर्नु पर्ने तनहुँ र नवलपुर जिल्ला अदालतको आदेशविरुद्ध अभिनेता शाह उच्च अदालत पोखरा पुगेका थिए । उनको मुद्दामा यसअघि उच्च अदालत पोखराले दुवै जिल्लाको मुद्दालाई लगाउमा राख्न आदेश दिएको थियो ।

सरकारी वकिलले अभिनेता शाहका मतियार कृष्ण जोशीलाई समेत थुनामै राखेर अनुसन्धान गर्नु पर्ने उच्च अदालत पोखराका न्यायाधीशद्वय उज्ज्वल शुक्ल र श्रीधरा कुमारी पुडासैनीको संयुक्त इजलासमा सबै मुद्दालाई लगाउमै राख्ने आदेश दिएका हुन् ।

उच्च अदालत पोखराले यसअघि नै दुवै जिल्लाबाट कैफियत प्रतिवेदन मागेको थियो । तर एकसाता अघि मात्रै सरकारी वकिल मतियार मानिएका जोशीलाई थुनामै राखेर मुद्दाको पुर्पक्ष गर्नुपर्ने निवेदन लिएर उच्च अदालत पुगेको थियो ।

जिल्ला अदालत तनहुँले जोशीलाई धरौटीमा छाड्ने आदेश दिएको थियो ।