काठमाडौँ । नेपाल जिम्बावे ‘ए’सँग पराजित भएको छ । पहिलो एक दिवसीय खेलमा नेपाल जिम्बावे एसँग तीन विकेटले पराजित भएको हो ।

त्रिवि क्रिकेट मैदानमा टस हारेर ब्याटिङ गरेको नेपालले ३१.३ ओभरमा १३६ रनमा अलआउट भएको थियो । नेपालले दिएको सामान्य लक्ष्य जिम्बावेले २६ ओभरको समाप्तिमा ७ विकेट गुमाएर पूरा गरेको हो ।

जिम्बावे ‘ए’का लागि ओपनर इन्नोसेन्ट कियाले सर्वाधिक ४८ रनको अविजित इनिङ खेले । यस्तै, चेफास जुवावोले ३२ रन बनाउँदा राय किया १४ रन बनाए । यसैगरी, ब्राड इभान्स १७ रनमा अविजित रहे ।

नेपालको बलिङमा कप्तान सन्दीप लामिछानेले २ विकेट लिएका थिए । उनले १० ओभर बलिङ गर्दै एक मेडनसहित ३२ रन खर्चिएर २ विकेट लिएका हुन् । यस्तै, कराण केसी २ तथा सागर ढकाल र सोमपाल कामीले एक–एक विकेट लिएका थिए ।