काठमाडौं । संविधान जारी भएपछि दोस्रोपटक स्थानीय तहको निर्वाचन जारी छ । देशभरका विभिन्न मतदान स्थलहरुमा मतदान कार्य भईरहेको छ । निर्वाचनको कतै उत्साह छ त कतै झडप नै झडप । त्यसैबिच चिर्वाचन आयोगले ३५ प्रतिशत मत खसेको आंकलन गरिसकेको छ ।

मतदान गर्न राजधानी छाड्नको जमात पनि उत्तिकै छ । त्यही जमातमा विभिन्न दलका शिर्षनेता ता विशिष्ट व्यक्तिहरु समेत छन् । गृहजिल्लामा मतदान गर्न पुगेका सबै शिर्ष नेताहरुले तालि मात्रै पाएका छैनन् गालि पनि पाएका छन्, त्यसको उदाहरण हो नेकपा (एकिकृत समाजवादी)का अध्यक्ष तथा पुर्वप्रधानमन्त्री माधव कुमार नेपाल र सुचना तथा सञ्चार प्रविधीमन्त्री एवम् काँग्रेसका नेता ज्ञानेन्द्रबहादुर कार्की ।

यी दुवै नेताले आफ्नै गृहजिल्लामा अपमान सहनु परेको छ । उनिहरुलाई आफ्नै क्षेत्रका जनताले अपमान गरेका हुन् । माधव कुमार नेपाललाई जनताले गिज्याएका छन् भने ज्ञानेन्द्र बहादुर कार्कीलाई मतदान गर्न जाने क्रममा अवरोध गरेका छन् ।

उनिहरु दुवैजनालाई जनताले तिरस्कार गरेको भिडियो पछिल्लो समय समाजिक सञ्जालमा समेत निकै भाईरल बनेको छ । उक्त भाईरल बनेको भिडियोमा एकिकृत समाजवादीका अध्यक्ष नेपाललाई चोर चोर भन्दै गिज्याएको छ र ज्ञानेन्द्र बहादुर कार्कीलाई ‘देश बेच्न पाईदैन, ज्ञानेन्द्र कार्की चाहिदैन’ भन्दै एमसीसी चाहिदैन भन्दै बिरोध जनाएको हो ।

माधवकुमार नेपाललाई रौटहट जिल्लाको गौर नगरपालिकामा ‘ माधव नेपाल चोर है’ भन्दै गिज्याईएको हो भने ज्ञानेन्द्र बहादुर कार्कीलाई सुनसरीमा ‘देश बेचुवा’ भन्दै मतदान गर्न अवरोध गरेको हो ।