काठमाडौँ । स्थानीय १७ वटा स्थानीय तहका ४४ मतदान केन्द्रमा मतदान स्थगित भएको छ ।

वर्षा र राजनीतिक दलका बीचमा विवादका कारण स्थानीय तहको निर्वाचन अन्तर्गत विभिन्न १७ वटा स्थानीय तहका ४४ मतदान केन्द्रमा मतदान स्थगित भएको प्रमुख निर्वाचन आयुक्त दिनेश थपलियाले जानकारी दिए ।
उनले कतिपय ठाउँमा वर्षाका कारणले समेत सबै मतदाताले सहभागी हुन नसकेको अवस्थालाई ध्यानमा राख्दै ती स्थानहरुमा मतदान अधिकृतले मतदान स्थगन गरेको जानकारी दिए ।

उनका अनुसार मतदानका लागि अर्को मिति भने तोकिएको छैन । ‘स्थगन गरिएका मतदान केन्द्रमा सम्बन्धित निर्वाचन अधिकृतको कार्यालय र त्यहाँको वस्तुस्थिति समेतको अध्ययन गरेर पुनस् मतदानको मिति तोक्ने तयारीमा छौँ,’ उनले भने । उनले निर्वाचनको मतगणना सम्बन्धित स्थानीय तहमै हुने बताए ।