काठमाडौं । उद्योग, वाणिज्य तथा आपूर्तिमन्त्री दिलेन्द्रप्रसाद बडूको गृह जिल्ला दार्चुलामा नेपाली कांग्रेस ‘क्लीन स्वीप’ भएको छ। एमाले र माओवादीले कांग्रेसलाई दार्चुलाको कुनै पनि स्थानीय तहको प्रमुख जित्न दिएनन । दार्जुलाको ९ स्थानीय तहमध्ये एमालेले ५ पालिकाको प्रमुख जितेको छ । त्यसैगरी माओवादी केन्द्रले ४ पालिका जितेको छ ।

२०७४ सालको स्थानीय तह निर्वाचनमा जिल्लाका ९ स्थानीय तहमध्ये नेपाली कांग्रेसले पाँच वटा पालिकामा जित हात पारेको थियो। २०७४ सालमा कांग्रेसले दार्चुलाको महाकाली नगरपालिका, दुहुँ, ब्यास, मालिकार्जुन र शैल्यशिखर गाउँपालिका जिेतको थियो । तर यसपटक कुनै पनि पालिकाको नेतृत्व कांग्रेसले जोगाउन सकेन ।

जिल्लाका दुवै नगरपालिकाको प्रमुखमा एमालेले जित निकालेको छ । ०७४ को स्थानीय तहमा कांग्रेसले महाकाली नगरपालिका जितेको थियो ।

एमालेले जितेका पालिका
१) दुहुँ गाउँपालिका, अध्यक्ष नरेन्द्रबहादुर सिंह बडाल (एमाले)
२) ब्यास गाउँपालिका, अध्यक्ष, मंगलसिंह धामी (एमाले)
३) महाकाली नगरपालिका, प्रमुख, नरसिंह चैसिर (एमाले)
४) शैल्यशिखर नगरपालिका, प्रमुख, विजयसिंह धामी (एमाले)
५) मालिकार्जुन गाउँपालिका , अध्यक्ष, हिरासिंह धामी (एमाले)

माओवादी केन्द्रले जितेका पालिका
१)अपि हिमाल गाउँपालिका , अध्यक्ष, भक्तसिंह बोहोरा (माओवादी केन्द्र)
२) नौगाड गाउँपालिका, अध्यक्ष, दलजीत सिंह धामी (माओवादी केन्द्र)
३) मार्मा गाउँपालिका, अध्यक्ष, जमनसिंह धामी (माओवादी केन्द्र)
४) लेकम गाउँपालिका , अध्यक्ष, रामदत्त जोशी (माओवादी केन्द्र)