काठमाडौं । भरतपुर महानगरपालिकामा पाँच दलीय गठबन्धनका प्रमुख र उपप्रमुखका उम्मेदवार जित नजिक पुगेका छन् । मत गणना अन्तिम चरणमा पुग्दा प्रमुख पदमा पाँचदलीय गठबन्धनका तर्फका उम्मेदवार नेकपा माओवादी केन्द्रकी रेनु दाहाल र नेपाली कांग्रेसका उपप्रमुख चित्रसेन अधिकारी जित नजिक पुगेका हुन् ।

रेनु नेकपा एमालेका प्रतिद्धन्द्धी विजय सुवेदीभन्दा ९ हजार ९३० मतले अगाडी छिन् । रेनुले अहिलेसम्म ४३ हजार ७४३ मत ल्याएकी छिन् ।
यता, कांग्रेसका चित्रसेनले १८ हजार ३२५ मतले अगाडि छन् । उनले अहिलेसम्म ४५ हजार ७४ मत ल्याएका छन् । उनका प्रतिद्धन्द्धी राप्रपाका हिमला गुरुङले २६ हजार ७४९ मत ल्याउका छन् ।
स्वतन्त्र उम्मेदवार जगन्नथ पौडेलले १३ हजार ३७७ मत पाएका छन् । अब महानगरमा २१ हजार ६१४ मत गन्न बाँकी छ ।
महानगरमा एक लाख २७ हजार ८३९ मत खसेको थियो । आज बिहानसम्म एक लाख छ हजार २२५ मत गणना भइसकेको छ ।