काठमाडौं । जिल्ला अदालत काठमाडौंले मनोज पाण्डेलाई हिरासतमा राख्न आदेश दिएको छ । आठ वर्षअघिको बलात्कार घटनामा उनमाथि अनुसन्धान गर्न ५ दिन हिरासतमा राख्न आदेश दिएको हो ।

गत शनिबार पक्राउ परेका पाण्डेलाई सोमबार अदालतमा उपस्थित गराइएको थियो । सौन्दर्य प्रतियोगिता आयोजना गरी युवतीलाई बलात्कार गरेको आरोप उनी पक्राउ परेका हुन् ।

सोमबार जिल्ला प्रहरी परिसर काठमाडौंमा पीडित युवतीले पाण्डेविरुद्ध मानव बेचविखन तथा ओसारपसार (नियन्त्रण) ऐन–०६४ अनुसारको कसुरमा जाहेरी दिएकी छन् ।

सन् २०१४ मा मिस ग्लोबल इन्टरनेशनल प्रतियोगिता आयोजना गरेका थिए । प्रतियोगिता सकिएपछि आयोजित ‘सक्सेस पार्टी’ भन्दै पाण्डेले युवतीलाई काठमाडौंको एभरेष्ट होटलमा बन्धक बनाएर बलात्कार गरेको पीडित युवतीको आरोप छ ।