काठमाडौँ । सत्ता गठबन्धन दल नेकपा माओवादी केन्द्रको संसदीय बैठक सुरु भएको छ । मंगलबार दिउँसो बैठक सुरु भएको हो ।

संसदीय दलको कार्यालय सिंहदरबारमा बैठक बसेको हो । बैठकमा सरकारको नीति तथा कार्यक्रम र आगामी आर्थिक वर्षको बजेटबारे छलफल गरिने भएको छ । सरकारले आगामी जेठ १५ गते संसदमा बजेट पेस गर्दै छ ।

यस्तै, राष्ट्रपति विद्यादेवी भण्डारीले बुधबार दिउँसो ४ बजे बस्ने संघीय संसद्को संयुक्त बैठकमा सरकारको नीति तथा कार्यक्रम प्रस्तुत गर्ने भएकी छन् ।