काठमाडौँ । नवौं राष्ट्रिय खेलकुद सरेको छ । आगामी असोज(कात्तिकको मध्यमा हुने गरी सरकारले राष्ट्रिय खेलकुद सारेको हो । राष्ट्रिय खेलकुद परिषद्‌को सिफारिसमा मन्त्रिपरिषद्को बैठकले मंगलबार यो निर्णय गरेको हो ।

अब असोज २८ देखि कात्तिक ३ गतेसम्म नेपाली खेलकुदका सबैभन्दा ठूलो खेल महोत्सव हुनेछ । यस अगाडि प्रतियोगिता जेठ २२ देखि २८ सम्म हुने तय भएको थियो ।

गत चैत ३० गतेको मन्त्रिपरिषद वैठकले जेठ २२ देखि २८ गतेसम्म नवौं खेलकुद आयोजना गर्न मिति निर्धारण गरेको थियो । आवश्यक पूर्वतयारी र समयसापेक्ष पूर्वानुमान नगरी मन्त्रालयको सिफारिसमा तोकिएको मितिमा खेलकुद हुन सकेन

युवा तथा खेलकुदमन्त्री महेश्वरजंग गहतराजले पत्रकार सम्मेलन गर्दै सबै पक्षको सल्लाहमा प्रतियोगिता सार्ने निर्णय भएको बताए ।