काठमाडौँ । आज सेयर बजार सूचक नेप्से दोहोरो अंकले घटेको छ । नेपाल स्टक एक्सचेञ्जका अनुसार साताको अन्तिम दिन आज नेप्से सूचक १५.८२ अंकले घटेको हो ।

शेयर बजार घट्दै आज २२ सय २३.७८ अंकमा झरेको छ । यस्तै, क वर्गको सेन्सेटिभ इन्डेक्स समेत आज ३.४० अंकले घट्दै ४३३.०७ अंकमा पुगेको छ ।

आज होटल तथा पर्यटन क्षेत्रबाहेक अन्य १२ वटा उपसमूहको नेप्से घटेको हो । आज २२३ कम्पनीका ४१ लाख ४० हजार कित्ता सेयर २१ हजारभन्दा बढी पटक किनबेच हुँदा एक अर्ब २९ करोड ८९ लाख रुपैयाँको मात्रै कारोबार भएको छ ।