काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ गणतन्त्रको अवसरमा शुभकामना दिएका छन् । नेपाली जनताको सदियौँदेखिको संघर्षको परिणामस्वरुप निरंकुश सामन्ती राजतन्त्रको अन्त्य गरी संघीय लोकतान्त्रिक गणतन्त्र नेपालको घोषणा भएको दिनको अवसरमा शुभकामना दिएका हुन् ।

जनयुद्धको आन्दोलनको बलमा गणतन्त्र आएको भन्दै सहिदहरूप्रति श्रद्धाञ्जली दिएका छन् । ‘१० वर्षे महान् जनयुद्ध, संयुक्त जनआन्दोलन, मधेस आन्दोलनलगायत आन्दोलनका क्रममा गणतन्त्र प्राप्तिका लागि आफ्नो प्राणको आहुति दिने महान् सहिदमा भावपूर्ण श्रद्धाञ्जली व्यक्त गर्दछु, आन्दोलनको क्रममा बेपत्ता र घाइते योद्धामा उच्च सम्मान व्यक्त गर्दछु,’ उनले भने ।

उनले गणतन्त्र दिवसको अवसरमा निर्वाचनमा विजयी जनप्रतिनिधि एवं सहभागी सम्पूर्णमा हार्दिक आभारसहित धन्यवाद दिएका छन् ।