काठमाडौँ । पोखराबाट उडेको जहाज सम्पर्कविहीन भएको छ । तारा एयरको जहाज १७ मिनेटमा पुग्नु पर्ने दुरीमा डेढ घण्टासम्म सम्पर्कमा नआएपछि खोजी सुरु भएको छ ।

म्याग्दीका स्थानीयको अनुसार उक्त जहाज म्याग्दी कटेर धवलागिरीतर्फ मोडिएको थियो । त्यसपछि सम्पर्कविहीन भएकाले मुस्ताङ क्षेत्रमै दुर्घटना भएको अनुमान गरिएको छ ।

जोमसोमका लागि उडेको उक्त जहाज मुस्ताङको लेतेमाथिको डाँडामा दुर्घटना भएको आशंका गरिएको छ । तर, पुष्टि भएको छैन ।

जोमसोमबाट भर्खरै खोजीका लागि हेलिकोप्टर उडेको छ । मौसम खराब भएकाले समस्या भइरहेको जोमसोम विमानस्थलले जनाएको छ । उक्त जहाजमा चालक दलका तीन सदस्यसहित १९ जना सवार थिए ।

१९ यात्रु बोकेर जोमसोम उडेको विमान सम्पर्कविहीन

सम्पर्कविहीन जहाजमा थिए १३ नेपाली र ६ विदेशी नागरिक