काठमाडौँ । प्रधानमन्त्री निवास बालुवाटारमा सत्ता गठबन्धनको बैठक बस्ने भएको छ । स्थानीय तहको निर्वाचन र बजेटका सन्दर्भमा समीक्षा गर्न बैठक बस्न लागेको हो ।

पाँच दलीय गठबन्धनले गत वैशाख ३० गतेको स्थानीय तहको निर्वाचनमा तालमेल गरेको थियो । चुनावमा कांग्रेस र माओवादी केन्द्रले आफूलाई धोका दिएको भन्दै नेकपा एकीकृत समाजवादी र जनता समाजवादी पार्टीले आरोप लगाउँदै आएको छ ।

यसैगरी हिजोमात्रै सरकारले आगामी आगामी आर्थिक वर्ष ०७९–८० को बजेट पेश गरेको थियो । योसँगै मन्त्रिपरिषद पुनर्गठनबारे पनि छलफल हुने भएको छ ।

बैठक सोमबार अपरान्ह ३ बजे बस्ने भएको हो ।