काठमाडौँ । टीभीएस मोटर कम्पनीको नेपालका लागि आधिकारिक वितरक जगदम्बा मोटर्सले काठमाडौँदेखि भोटेचौरसम्म आफ्नो  एनओजी (एन्टर्क ओनर्स ग्रुप) राइड सम्पन्न गरेको छ ।
 
गत शनिबार आयोजना भएको उक्त राइड काठमाडौँको महालक्ष्मी स्थानस्थित टीभीएसको युनिराइड शोरुमबाट शुरु भएको थियो । राइड बालकुमारी, तीनकुने, एअरपोर्ट, गौशाला, चाबहिल, जोरपाटी, मुलपानी, साँखु हुँदै भोटेचौर हेवन हिल रिसोर्ट पुगेको हो ।

उक्त राइडमा सहभागीबीच एकतामूलक विभिन्न गेम खेलाइएको थियो । उनीहरुबीच विभिन्न मनोरञ्जनात्मक र अन्तरक्रियात्मक कार्यक्रमहरु गरिएको थियो । राइडमा ७० जना राइडरका साथै मोटो भ्लगरहरू राजकुमार थापा मगर, अलिशा खड्की, ठकुरी भ्लग, आशिष भ्लगको उपस्थिति थियो ।

साथै, नेपालका प्रसिद्ध महिला बडी बिल्डर सनम मूलघुटी, प्रसिद्ध पुरुष बडी बिल्डर अमित चन्द्र आर्या र कलाकारहरू उषा उप्रेती र बिपिन श्रेष्ठको सहभागीता रहेको जगदम्बा मोटर्सको मार्केटिङ नायब कार्यकारी प्रमुख बिक्रम पौडेलले बताए ।

टिभिएस एनटर्कका राइडरबीच आत्मीयता बढाउन तथा ग्राहक र कम्पनीबीच सम्बन्ध थप प्रगाढ बनाउन राइड सफल भएको उनले बताए ।