काठमाडौँ । काठमाडौंको टेकुस्थित पेट्रोल पम्पमा इन्धन राख्ने ट्यांकी बिस्फोट भएको छ । बिस्फोटमा परी दुई जना घाइते भएका छन् ।

आइतबार साँझ ५ बजेतिर टेकुस्थित कनक पम्पको ट्यांकी बिस्फोट भएको हो । जिल्ला प्रहरी परिसर काठमाडौंका अनुसार उनीहरू दुवैको राष्ट्रिय ट्रमा सेन्टरमा उपचार भइरहेको छ ।

खाली भइसकेको ट्यांकीमा ग्यास भरिएको र ढक्कन वेल्डिङ गर्ने क्रममा बिस्फोट भएको प्रहरीले जनाएको छ ।

बिस्फोटमा परी घाइते हुनेमा पर्सा जगन्नाथपुर गाउँपालिका ३ घर भई काठमाडौंको कालिमाटी बस्ने ३० वर्षीया किशोरी साह र १८ वर्षीय दीपककुमार साह रहेका छन् ।