काठमाडौं । काठमाडौं जिल्ला अदालतले सर्वोच्च अदालतका शाखा अधिकृत महिमानसिंह विष्टलाई ६ महिना कैद र १० हजार रुपैयाँ जरिवाना तोकेको छ।

नागरिक उन्मुक्ति पार्टी नेपालका नेता रेशम चौधरीलाई अनधिकृत रूपमा थुनाउन सरकारी कागजात किर्ते गरेको अभियोगमा उनलाई सो सजाय तोकिएको हो।

काठमाडौं जिल्ला अदालतका न्यायाधीश खिमानन्द भुसालको इजलासले उनलाई दोषी ठहर गरेको हो ।

यसअघि गत चैत २२ गते अदालतले उनलाई लिखतसम्बन्धी कसुरमा दोषी ठहर गरेको थियो। विष्टले सर्वोच्च अदालतको लेटरहेड प्रयोग गरी नेता चौधरीलाई पक्राउ गर्न प्रहरीलाई अनधिकृत पत्र लेखेका थिए।