काठमाडौँ । नेपाल बैंकले ‘आर्थिक समृद्घिका लागि वित्तीय साक्षरता’ नामक वित्तीय साक्षरता पुस्तिका सार्वजनिक गरेको छ ।

प्रधान कार्यालय काठमाडौँमा आयोजित एक कार्यक्रममा बैंकका प्रमुख कार्यकारी अधिकृत (सीईओ) कृष्ण बहादुर अधिकारी, नायब प्रमुख कार्यकारी अधिकृत समता पन्त, सहायक प्रमुख कार्यकारी अधिकृत प्रकाशकुमार अधिकारी र होम बहादुर खड्कालगायतको उपस्थितिमा पुस्तिका सार्वजनिक भएको हो ।

बैंकको मार्केटिङ्ग तथा रिसर्च डिभिजनले तयार गरेको पुस्तिका विमोचन समारोहमा बैंकका सम्पूर्ण प्रदेशका प्रमुख र शाखा प्रबन्धकसमेत भर्चुअल रुपमा उपस्थिति रहेका थिए । कार्यक्रममा बैंकका सीईओ अधिकारीले सम्पूर्ण नेपालीमा वित्तीय ज्ञान र चेतनाको स्तरमा अभिबृद्घि गर्न पुस्तिका उपयोगी हुने बताए ।

नेपालभर २१७ शाखाहरु, १७९ एटिएम साथै विभिन्न सेवामार्फत बैंकले ग्राहकलाई वित्तीय सेवा दिँदै आएको छ ।