काठमाडौँ । नेपाल प्रहरीका सात प्रहरी अतिरिक्त महानिरीक्षक (एआईजी)हरूको पदस्थापना तथा सरुवा भएका छन् ।

विश्वराज पोखरेललाई प्रहरी प्रधान कार्यालय प्रदेश समन्वय विभाग नक्सालमा सरुवा गरिएको छ । यसैगरी रविन्द्र बहादुर धानुकलाई काठमाडौं उपत्यका प्रहरी कार्यालय रानीपोखरीमा सरुवा गरिएको छ ।

यस्तै, उत्तमराज सुवेदीलाई केन्द्रीय अनुसन्धान ब्यूरो महारागंज र अरुण कुमार बि.सीलाई नेपाल प्रहरी प्रधान कार्यालय प्रशासन विभागमा सरुवा गरिएको छ

यसैगरी दिवेश लोहनीलाई नेपाल प्रहरी प्रधान कार्यालय अपराध अनुसन्धान विभाग नक्साल, मुकुन्द राज आचार्यलाई राष्ट्रिय प्रहरी प्रशिक्षण प्रतिष्ठान महाराजगंज र पुजा सिंहलाई नेपाल प्रहरी प्रधान कार्यालय मानवश्रोत विकास विभाग नक्सालमा सरुवा गरिएको छ ।