काठमाडौँ । काठमाडौँ महानगरको कार्यपालिका सदस्यमा ८ जना निर्वाचित भएका छन् ।

मुख्य निर्वाचन अधिकृत राजुकुमार खतिवडाका अनुसार मंगलबार भएको निर्वाचनमा नेपाली कांग्रेसका ६, नेकपा माओवादी केन्द्र र नेकपा एकीकृत समाजवादीका १–१ जना उम्मेदवा निर्वाचित भएका हुन् ।

आज निर्वाचित भएकासमेत गरी ४२ सदस्यीय कार्य पालिकामा कांग्रेसको बहुमत पुगेको छ । कांग्रेसबाट १९ जना वडाध्यक्ष कार्यपालिकामा आइसकेका छन् ।

एमालेबाट उपमेयरसहित १३ जना, एकीकृत समाजवादीबाट एक निर्वाचित वडाध्यक्षसहित दुई र माओवादीका एक जना कार्यपालिका हुने भएका छन् । काठमाडौँमा माओवादीको उम्मेदवार शून्य रहेको थियो ।

महानगरको कार्यपालिकामा प्रमुख र उपप्रमुख गरी २ जना, ३२ जना वडाध्यक्ष र थप ८ जना कार्यपालिका सदस्य छन् । निर्वाचित जनप्रतिनिधिलाई बुधबार दिउँसो १ बजे प्रमाण पत्र वितरण गर्ने कार्यक्रम छ ।